Ֆրանսիական Նիմ քաղաքի ղեկավարությունը արգելել է միայնակ մարդկանց մուտքը պատմական հռոմեական ամֆիթատրոն, որպեսզի կասեցնի մի շարք ինքասպանություններ: Վերջին երկու ամիսներին հինգ մարդ ինքնասպան է եղել` նետվելով 27 մետր բարձրությունից: Հենց այսքան է հնագույն արենայի բարձրությունը:
Ինքնասպանությունների ալիքը ստիպել է քաղաքի իշխանություններին քայլեր ձեռնարկել այդ ամենը կանխելու համար: Լավագույն լուծումը դարձավ 2000-ամյա ամֆիթատրոնի մուտքը փակելը միայնակ այցելուների համար: Հնագույն շինության տնօրեն Միխայել Կոզիգոն La Provence-ին տված հարցազրույցում ասել է, որ դա անհրաժեշտ քայլ էր:
Նա նաև հավելել է, որ սա չի վերաբերվում խմբային այցերին, և արգելքը կհեռացվի, երբ իրավիճակը կարգավորվի: Նիմի ամֆիթատրոնը կառուցվել է մ.թ.ա. 70 թվականին, իսկ 1863 թվականին վերակառուցվել է ցլամարտերի համար: