Արաբական Միացյալ Էմիրությունների հանգստավայրերը մեծ ճանաչում ունեն աշխարհի շատ զբոսաշրջիկների շրջանում, սակայն երկրի զբոսաշրջային կազմակերպությունները ցանկանում են հյուրերին գրավել ամենատարբեր հետաքրքրություններով, այդ թվում նաև` ֆուտբոլի սիրահարներին: «Ռեալ Մադրիդ» ֆուտբոլային ակումբը (Real Madrid) հայտարարել է իր մտադրության մասին, որ ցանկանում է թեմատիկ հանգստավայր կառուցել ԱՄԷ-ում, ենթադրվում է, որ նոր հանգստավայրը կարժենա 1 միլիարդ ԱՄՆ դոլար:
Real Madrid Resort Island-ը կտեղակայվի արհեստական կղզու վրա` երկրի հյուսիսում` Ռաս ալ Կաիմահ էմիրաթում (Ras Al Khaimah). հայտնում է Daily Mail-ը: Real Madrid Resort Island հանգստավայրում կլինեն շքեղ հյուրանոցներ, վիլլաներ, թեմատիկ այգիներ և մարզասրահներ: 430 հազար քառ. կմ տարածք զբաղեցնող հանգստավայրի բացումը նախատեսված է 2015 թվականի հունվարին, որն էլ տարեկան միլիոնավոր զբոսաշրջիկների կներգրավի: Նոր հանգստավայրի նախագիծը ներկայացված է եղել Մադրիդում, արարողությանը ներկա են եղել խմբի գլխավոր մարզիչը` Ժոզե Մոուրինյոն, (Jose Mourinho) և ֆուտբոլիստները:
