Cathay Pacific հոնգկոնգյան ավիաընկերության բորտուղեկցորդուհիները պահանջում են փոխել շատ սեքսուալ համազգեստի դիզայնը: Ինչպես վստահեցնում են բորտուղեկցորդների արհմիությունում՝ բաց հագուստը կարող է հանգեցնել սեռական ոտնձգությունների: Cathay Pacific Airways Flight Attendants Union-ի ներկայացուցիչների խոսքերով՝ սպիտակ բլուզները շատ կարճ են, իսկ կարմիր շրջազգեստները՝ շատ նեղ, այդ պատճառով նման համազգեստով աշխատելը շատ անհարմար է:
Արհմիությունում հիշեցնում են, որ համազգեստը ներկայացվել է դեռևս 2011 թվականին, և այդ ժամանակից սկսած բորտուղեկցորդուհիները մշտապես բողոքներ են ներկայացնում: Նշվում է, որ բորտուղեկցորդուհիները չեն պահանջում, որ ամբողջովին փոխվի հագուստի դիզայնը, նրանք միայն ուզում են, որ որ բլուզները երկարացնեն և կիսաշրջազգեստները լայնացնեն:
Ըստ հոնգկոնգյան հավասար հնարավորությունների հանձնաժողովի փետրվարի ուսումնասիրության՝ տեղական բորտուղեկցորդների 27% -ը ենթարկվել են ոտնձգությունների վերջին տարվա ընթացքում: Տուժածների մեծամասնությունը կանայք են: