Ֆինլանդիայի ազգային ավիափոխադրող Finnair-ը և Marimekko նորաձևության տունը շարունակում են համագործակցել. ավիաընկերության արդեն երկրորդ ինքնաթիռը նոր սպասազգեստ է ստացել Marimekko-ի դիզայներների կողմից: Airbus 330-ի նոր ինքնաթիռներից մեկը «հագել է» նոր զգեստ, որը ստացել է «Անտառի բնակիչներ» (Metsänväki) անվանումը. հայտնում է Finnair-ի մամուլի ծառայությունը:
Ինքնաթիռը չվերթներ կիրականացնի Հելսինկիից դեպի Ասիայի 13 ուղղություններով, ինչպես նաև՝ Նյու Յորք: Բացի այդ, մայիսի վերջից սկսած ինչպես էկոնոմ, այնպես էլ՝ բիզնես դասի ուղևորները շրջապատված կլինեն Marimekko-ի դիզայնով, որի հայտնի պատկերները կզարդարեն ծածկոցները, բարձերը, անձեռոցիկները, գլխի հենակները և, իհարկե, սպասքը:
Marimekko-ի բազմաթիվ ապրանքներ նաև կներկայացվեն Finnair PlusShop օնլայն-խանութի կատալոգներում և ինքնաթիռում: Marimekko-ից առաջին ինքնաթիռը, զարդարված 1965 թվականի «Մակի» կամ Unikko կուլտային պատկերով, ներկայացվել է 2012 թվականի հոկտեմբերին: