Ֆինլանդիա. Հելսինկիում ռեստորանները տեղափոխում են փողոց

Մայիսի 17-ին Սուոմիի մայրաքաղաքում կանցկացվի  արդեն ավանդական Ռեստորանային օրը:

Սիրողական խոհարարները Հելսինկիի փողոցներում կներկայացնեն համեղ սննդի իրենց տեսլականը, քանի որ փառատոնի ընթացքում բոլոր ցանկացողները կարող են բացել իրենց սեփական ռեստորանը, սրճարանը կամ բիստրոն:

Ռեստորանի օրվա գաղափարը, ինչպես վստահեցնում են կազմակերպիչները, այն է, որ կարելի է  անցկացնել հրաշալի ժամանակ, ստանալ նոր խոհարարական տպավորություններ և միասին քաղաքը դարձնել ավելի լավը: