Ամստերդամում կարելի է իջևանել հյուրանոցում` ստեղծված նորաձևության ոլորտի սիրահարների համար: Տեղի նորաձևության ինստիտուտի ուսանողները «հագցրել են» հյուրանոցի համարները` ինչպես մոդելներին պոդիումի վրա: Exchange հյուրանոցում կա 1-ից 5 աստղ կատեգորիայի 61 համար: Յուրաքանչյուր սենյակի ինտերիերի դիզայնը ձևավորվել է նորաձևության ինստիտուտի ուսանողների և շրջանավարտների կողմից:
Սենյակները իրարից տարբերվում են և դիզայնով, և մթնոլորտով: Ռոմանտիկայի սիրահարներին դուր կգա սենյակը, որի դիզայներին ոգեշնչել է Մարի Անտունետայի ոճը, իսկ մինիմալիզմի սիրահարները կարող են ընտրել Հանս Քրիստիան Անդերսենի «Նոր հագուստ թագավորի համար» հեքիաթի մոտիվներով ձևավորված սենյակը: Հյուրանոցը զբաղեցնում է երեք շենք, որոնցից ամենահինը կառուցվել է XVII դարում: Այստեղ տեղակայված են Options! հանրախանութը և Stock ռեստորանը: Բնակվելու վճարը կազմում է 110 եվրո մեկ գիշերվա համար երկտեղանոց համարում:
