Ֆերմերները ի պատիվ Աշխարհի առաջնության ժամանակ Գերմանիայի տարած հաղթանակի աճեցրել են լաբիրինթոս

Գերմանիայի ֆերմերները աճեցրել են  18 հազար քառակուսի մետր տարածքով լաբիրինթոս՝ ի պատիվ Բրազիլիայում ֆուտբոլի աշխարհի առաջնության ժամանակ Գերմանիայի ազգային հավաքականի տարած հաղթանակի: Այդ մասին ասվում է ՖԻՖԱ-ի պաշտոնական կայքում:

Բավարիական Ուտտինգ քաղաքի դաշտում աճեցրած լաբիրինթոսի վրա բարձրությունից երևում է պատկերված ֆուտբոլիստ, որը Բրազիլիայի դրոշի ֆոնի վրա գնդակով հարվածում  է դարպասին: Դրա ստեղծման համար Ուլի և Կորին Էռնստները ապրիլի սկզբին դաշտում աճեցրել են կանեփի, եգիպտացորենի, արևածաղիկի և փիփերթի սերմեր: Լաբիրինթոսը այցելուների համար բաց է մինչև սեպտեմբերի վերջը: Գերմանիայի հավաքականը աշխարհի առաջնության կիսաեզրափակչի ժամանակ հաղթեց Բրազիլիային  7:1 հաշվով, իսկ եզրափակչին ավելացրած ժամանակում հաղթեց արգենտինացիներին 1:0 հաշվով: