Այսօր Դուբայի շատրվանը վստահորեն կարելի է համարել ամենագեղեցիկ և ամենամեծ երաժշտական շատրվանը աշխարհում: Առաջարկում ենք միասին պարզել, թե ինչումն է նրա բացառիկությունը:
2009 թվականին Բարջ Դուբայ երկնաքերի առջև հայտնվել է ևս մեկ հրաշք` երաժշտական շատրվանը: Շատրվանի շինարարության մասին Emaar ընկերությունը հայտարարել է դեռևս 2008 թվականի հունիսին: Միևնույն ժամանակ հայտարարվել է նախագծի արժեքը` 218 միլիոն դոլար, որի մեջ էին մտնում ջրամբարի, շատրվանի և ֆիլտրող համակարգի կառուցումը:
Այսօր այն աշխարհի ամենամեծ և բարձրահասակ շատրվաններից մեկն է: Այն կարող է «ժայթքել» 275 մետր, որն հավասար է մոտ 50-հարկանի շենքի բարձրության, թեև դա երկնաքերի բարձրության ընդամենը 1/4 մասն է կազմում:
Դուբայի շատրվանը նախագծվել է Կալիֆորնիայի WET ընկերության կողմից, ինչը հայտնի է իր մյուս հայտնի նախագծով` Լաս Վեգասի Բելաջիո հյուրանոցի պարող շատրվանով: Սակայն Դուբայը գերազանցել է Բելաջիոյի շատրվանին, ընդ որում` 25%-ով` 275 մետրով, որը ավելի մեծ է, քան երկու ֆուտբոլային դաշտը:
Այսպիսի տեսք ուներ շինհրապարակը:
Ահա պատրաստի տարբերակը` լուսանկարված երկնաքերից:
Շատրվանը բաղկացած է տարբեր չափսերի հինգ շրջաններից: Դուբայի շատրվանի լույսի ուղղահայաց շողերը երևում են 30 կմ հեռավորությունից, իհարկե, այն դեպքում, եթե Ձեր և նրա միջև ոչինչ չկա:
Շատրվանը լուսավորվում է 25 գունավոր լուսարձակներով և 600 լուսային աղբյուրներից: Շնորհիվ լույսերի խաղի և ջրի ցայտի` օդում եզրագծվում է ոգեշնչող պատկեր, և այս ամենը հանգստացնող երաժշտության ուղեկցությամբ:
Դուբայի շատրվանը կարող է միաժամանակ օդ բարձրացնել 83 հազար լիտր ջուր:
Դուբայի շատրվանը ունի բավականաչափ բարձր ճնշում, որպեսզի պատկերի ոգեցունց պատկերներ: Եկեք ուսումնասիրենք մեխանիզմները, որոնք օգնում են շատրվանին ստեղծել հիանալի պատկերներ:
«Թիավարները» ուղիղ իմաստով ստիպում են ջրին պարել: Դրանք Բելաջիոյի «թիավարներից» տարբերվում են նրանով, որ գտնվում են խորը ջրի մեջ: Բացի այդ, լուսարձակները տեղաշարժվում են միաժամանակ և լույսը դարձնում ավելի արտահայտիչ և ազդեցիկ:
«Աղեղները» ջուրը մեծ ճնշման տակ բարձրացնում են վերև: Այն, կարծես, կրակում է վերև, այդ պատճառով էլ կրում է այդ անվանումը:
«Սուպեր աղեղները» ջուրը «կրակում են» էլ ավելի ուժգին` 75 մետր:
«Արտակարգ աղեղները» (Նոր տեխնոլոգիաներ) «կրակելու» պահին ստեղծում են մեծ ճնշում, որի շնորհիվ ջուրը հասնում է 150 մետրի:
Բոլոր այս «Աղեղները » հանդիսանում են շատրվաններ, որոնք ստեղծում են թմբուկային «բում»-ի նման բարձր հարվածային ձայն կամ աղմուկ: Հաճախ էլ դրանք մաս են կազմում հնչող երաժշտության կամ վերջում ազդարարում են դրա ավարտը:
«Սուպեր աղեղները» և «Արտակարգ աղեղները» ամենօրյա ցուցադրություններին չեն հանդիպում, քանի որ պահանջվում է այնքան շատ էներգիա և ճնշում, որ շատ ժամանակ է պահանջվում դրանք նախապատրաստելու համար:
Շատրվանի առաջին փորձարկումները արվել են 2009 թվականի փետրվար և ապրիլ ամիսներին, իսկ վերջնական թողարկումը եղել է 2009 թվականի մայիսի 8-ին: Դուբայի շատրվանը ամեն գիշեր գրավում է հազարավոր հանդիսատեսի ուշադրությունը, և ակնկալվում է, որ այն տարեկան կգրավի 10 միլիոն հանդիսատեսի ուշադրությունը:
2010 թվականի հունվարի 2-ին մամլո հաղորդագրության մեջ հայտարարվել է, որ Դուբայի շատրվանի բարձրությունը ավելացվել է: Շատրվանը վերազինվել է նոր աղեղներով, որոնք ջուրը հասցնում են 275 մետրի:
Առաջարկում ենք Ձեզ հիանալ այդ տեսարանով:
Dubai fountain