Disney ստուդիան հայտարարել է, որ իր թեմատիկ այգիներում կներկայացնի նոր ատրակցիոններ «Աստղային պատերազմների» յոթերորդ մասի պրեմիերայից հետո: Դիսնեյը ձեռք է բերել Lucasfilm ստուդիան երկու տարի առաջ $4 միլիարդ դոլարով, բայց չի շտապել համալրել թեմատիկ այգիները Ջորջ Լուկասի «Աստղային պատերազմներ» երկու օրիգինալ եռերգությունների մոտիվներով զվարճանքներով:
Ինչպես հայտնում է Walt Disney Co.-ի ղեկավար Բոբ Իգերը՝ ընկերությունը որոշել է համալրել այգիները միայն կինոսաագայի նոր մասերի թողարկումից հետո: «Մեր այգիներում կլինեն շատ «Աստղային պատերազմներ»: Բայց մենք ցանկանում ենք անել դա մեծ մասշտաբով և ճիշտ, որի համար ժամանակ է պետք»,-հայտնել է Իգերը՝ պարզաբանելով, որ չեն ցանկանում հիասթափեցնել այցելուներին ատրակցիոններով, որոնք այգիներ կգան առաջիկա պրեմիերայից հետո: