Մեր օրերում բջջային, ռոբոտանման և այլ ֆանտաստիկ փոխադրամիջոցներ դեռևս չկան, այդ պատճառով երկար հեռավորությունների համար ամենաարագ և հարմարավետ փոխադրամիջոցը դեռևս մնում է ավիափոխադրողը: Անցյալում են մնացել տարիքով մորաքույրները, ովքեր ավիաընկերության գրասենյակում չվերթ էին ընտրում և տպում թղթե ավիատոմսերը: Ժամանակակից զբոսաշրջիկը ձեռքի մեջ ամուր պահում է բանկային քարտը և համակարգչային մկնիկը: Նա գիտի օրենքներն ու խորամանկությունները, որոնք թույլ են տալիս ընտրել լավագույն թռիչքները և ամրագրել տեղը ինքնաթիռում շահավետ գներով:
Կանուխ ոտքիդ՝ Աստված կողքիդ
Թռիչքը նախապես պլանավորման շնորհիվ կարող եք խնայել զգալի գումարներ: Ավիատոմս ընտրեք երկար ժամանակ և դանդաղ, այդ դեպքում, վստահ եղեք, որ կգտնեք ամենահարմարը:
Ամեն որսորդ ցանկանում է իմանալ…
Ինչպես գեղեցիկ հագուստներով բուտիկները, այնպես էլ ավիաընկերությունները սիրում են հաճախակի ակցիաներ կազմակերպել: Եթե պարբերաբար հետևեք ավիաընկերությունների հատուկ առաջարկներին, ապա կարող եք հանդիպել բավականին ցածր գնով ավիատոմսերի: Որպես կանոն, ակցիաները լինում են փետրվարից ապրիլ կամ հոկտեմբեր և նոյեմբեր ամիսներին: Սակայն գնելիս ուշադիր կարդացեք առաջարկի բոլոր պայմանները, որպեսզի անակնկալի չգաք, երբ, ասենք, պարզվի, որ այդ տոմսը չեք կարող վերադարձնել:
Դիետիկ չվերթներ
Դիսըքաունթերը ավիաթռիչքի նոր տարբերակ է, որի դեպքում ավիաընկերությունը չի կերակրում ուղևորին կամ մեկ եվրո պահանջում մեկ շիշ կոլայի համար: Տոմսը հետաձգել չի կարելի, վերադարձնել` առավել ևս: Գրավիչ բորտուղեկցորդուհիները սրահում սովորականից քիչ են: Բայց այս ամենը օգնում է ավիաընկերությանը տոմսի գինը զգալիորեն նվազեցնել: Եթե անվճար սենդվիչը կամ կարմիր գորգը Ձեզ համար այնքան էլ կարևոր չեն, ապա ուշադրությւոն դարձրեք low-cost առաջարկին:
Լավ է ուշ, քան երբեք
Եթե վերջին պահին որոշել եք ճամփա ընկնել և ճամպրուկն արդեն պատրաստ Ձեզ է սպասում, ապա փնտրեք չարտերային չվերթներ: Տուրիստական գործակալությունների «թեժ» առաջարկները շատ հարմար են վերջին րոպեի համար և գործում են բոլոր հայտնի առողջարանային ուղղություններով:
Չորեքշաբթի` անձրևից հետո
Հարմարավետությունը միշտ թանկ հաճույք է: Եթե որոշում եք հրաժարվել դրանից, ապա գնեք ինքնաթիռի մատչելի տոմս, ճանապարհ ընկեք աշխատանքային օրերի` հաշվի առնելով «կիրակիի կանոնը», և պատրաստ եղեք օդանավակայանում գիշերելուն: Խուսափեք ուղիղ չվերթներից, համաձայնվեք անհարմար միացումներին և տուն վերադարձեք երեքշաբթի առավոտյան 4-ին:
Երիտասարդներին` կանաչ լույս
Եթե երիտասարդության անխոնջ եռանդը Ձեզ մղում է ճանապարհորդության, հիշեք, որ որոշ ավիաընկերություններ 25% զեղչ են տրամադրում բոլոր այն ուղևորներին, ում ծննդյան տորթերին դեռևս 25-ից պակաս մոմեր են վառվում: Իսկ եթե Դուք դեռ 12 տարեկան չկաք, ապա ծնողներին հայտնեք «թարմ» նորություն. ավիաընկերությունները երեխաների համար տրամադրում են 50% զեղչ:
Ճանապարհորդությունը հետաքրքիր է և հեշտ, իսկ ճիշտ մոտեցման դեպքում` նաև մատչելի: Ձեր բանականությունն ու մեր օգտակար խորհուրդները կօգնեն Ձեզ գտնել մատչելի տարբերակներ և ևս մեկ կարմիր շրջանակ ավելացնել Ձեր անձնական քարտեզի վրա: Բարի ճանապարհ…