Կուբայի Գուանտանամո քաղաքը սպասում է Festival del Changui ավանդական երաժշտության փառատոնի հյուրերին, որը կանցկացվի մայիսի 30-ից հունիսի 3-ը: Տոնն անցկացվում է արդեն 6-րդ անգամ, ամեն տարի այն գրավում է Կուբայի մշակույթի սիրահարներին ողջ աշխարհից:
Գուանտանամոն քաղաք է Կուբայի հարավ-արևելքում` համանուն նահանգի մայրաքաղաքը: Այս շրջանը լավագույնս պահպանում է ազգային ավանդույթները և հանդիսանում է չանգուի (changui), կիրիբա (kiriba) և նենգոն (nengon) երաժշտությունների ծննդավայրը:
Փառատոնին կմասնակցեն ավելի քան 40 երաժշտական և պարային խմբեր. հայտնում է BuenoLatina.ru-ն: Հանդիսատեսը նրանց ելույթները կարող է դիտել Պեդրո Ագուստին Պերես հրապարակում (plaza Pedro Agustin Perez): Բացի այդ, քաղաքի տարբեր հրապարակներում կանցկացվի պարային մրցույթներ, բոնգոյի, մարիմբայի և տրեսերո կիթառի կատարողների մրցույթներ: