2017 թվականին ամենազարգացած տուրիստական ոլորտով երկիր է ճանաչվել Իսպանիան։ Այդ մասին նշվում է Տուրիզմի զարգացման և ճանապարհորդական արդյունաբերության ինդեքսում, որն ամեն տարի կազմում են Համաշխարհային տնտեսագիտական ֆորումի մասնագետները։ Travel and Tourism Competitiveness Report-ի ուսումնասիրությունը հրապարակվել է կազմակերպության կայքում։
Այլ հոդվածներ
Վարկանիշային աղյուսակը կազմելիս հաշվի են առնվել այնպիսի պարամետրեր, ինչպիսիք են՝ պետության բացությունը, ենթակառուցվածքների և ավիահաղորդակցության զարգացվածության մակարդակը, բնական և մշակութային տեսարժան վայրերը, անվտանգությունը և այլն։
Երկրորդ տեղը զբաղեցրել է Ֆրանսիան, երրորդում՝ Գերմանիան է։ Թոփ-10-ում են հայտնվել նաև Ճապոնիան, Մեծ Բրիտանիան, ԱՄՆ-ն, Ավստրալիան, Իտալիան, Կանադան և Շվեյցարիան։
