Այլ հոդվածներ
China Airlines-ը թողարկել է «Ընտանեկան բազմոց» նոր ծառայությունը Boeing 777-300ER ինքնաթիռում, որը կմեկնարկի այս տարվա սեպտեմբերին: Այն հիմնված է Air New Zealand-ի Skycouch բարձր գնահատված ծառայության վրա: «Ընտանեկան բազմոց»-ը հասանելի կլինի էկոնոմ դասում, և դա, ըստ էության, իրար միացված երեք նստատեղեր են, որոնք կազմում են մեկ ընդհանուր բազմոց-մահճակալ: Ընդհանուր առմամբ յուրաքանչյուր ինքնաթիռում 30 տեղ 10 առաջին շարքերում կտրամադրվեն նոր ծառայությանը: «Ընտանեկան բազմոց»-ը կարելի է պատվիրել տոմսը գնելիս կամ գրանցման պահին: Երեք անդամից բաղկացած ընտանիքը ծառայության համար պետք է վճարի $200 դոլար, իսկ երկու ճանապարհորդները ստիպված են վճարել լրացուցիչ $500 դոլար: Միայնակ ճանապարհորդների համար ծառայությունը արժի $1000 դոլար: