Ավելի քան 2500 տարի առաջ հիմնադրված չինական Սիչժոու քաղաքը իշխանությունները մտադիր են վերածել քաղաք-թանգարանի: Այժմ նրա տարածքում կա ավելի քան 70 թանգարան, «հիշողության տներ» և ցուցասրահներ: Ինչպես հայտնում է «Ժենմին Ժիբաո» թերթը` երկրի պահպանված հուշարձանների և քաղաքի մշակույթի հիման վրա կկառուցեն երկու տասնյակից ավել թանգարաններ, այդ թվում` սեկտորային և թեմատիկ, պետական և մասնավոր:
Այդպիսով, դրանց թիվը կհասնի հարյուրի: Գործող թանգարաններից մեկը` Դունյու թագավորական թանգարանը, որում հավաքված է 2000 ցուցանմուշ` հնագույն քարե արձաններ, ճենապակի և պղնձե հայելիներ, որոնցից շատերը նվիրաբերվել են մասնավոր կոլեկցիոներների կողմից: Հնագույն Սիչժոու քաղաքը, որը գտնվումէ Ցզյանսու նահանգի հարավ-արևելքում, հիմնադրվել է մ.թ.ա. 514 թվականին: Նրա պատմական կենտրոնը հանդիսանում է ՅՈՒՆԵՍԿՈ-ի համաշխարհային ժառանգություն և հայտնի է իր քարե կամուրջներով, եղանակով և այգիներով: