Շատ գայթակղիչ սրճարան, հատկապես բյուջետային զբոսաշրջիկների համար, բացվել է օրերս բրիտանական մայրաքաղաքի կենտրոնում՝ Քովենթ գարդենից ոչ շատ հեռու։ Caffix-ի ճաշացանկը բաղկացած է բավականին սովորական և ստանդարտ ուտեստներից և խմիչքներից, որոնք մատուցվում են քիչ քանակությամբ և արժեն ընդամենը 1 GBP ֆունտ ստերլինգ։
Նոր սրճարանի տիրուհին նշում է, որ իր հիմնական նպատակն է եղել առաջարկել իր հյուրերին որակյալ մթերքներ առավելագույն հասանելի գնով։ 31-ամյա կինը ընդգծում է, որ Caffix-ում ամբողջ սնունդը տնական է և թարմ։ Օրինակ, թեյի փաթեթները աշխատակիցները պատրաստում են հենց հաստատությունում 6 տարբեր տեսակներից։ Հացը ևս թխվում է սրճարանում։
Բյուջետային հաստատության տիրուհին լուրջ աժիոտաժ է նկատում համեղ և մատչելի սնունդի երկրպագուների կողմից և արդեն մտածում է երկրորդ նման սրճարանը բացելու մասին։