Բիզնես-տուրիստները նախընտրում են «կապի մեջ լինել» ճանապարհորդության ընթացքում
Բիզնես-տուրիստները, որոնք օգտագործում են ժամանակակից տեխնոլոգիաներ և իրենց ուղևորությունը դարձնում են առավել արդյունավետ մնալով կապի մեջ ընտանիքի հետ, տարեցտարի շատանում են: Զբոսաշրջիկների մեծամասնությունը (79%) ճանապարհորդության ընթացքում (կարևոր չէ բիզնես թե պարզապես հանգստի) իրենց հետ վերցնում են կապի միջոցներ, որպեսզի չկորի կոնտակտը ընտանիքի և ընկերների հետ, նշում է TravelDailyNews-ը: Global Business Travel Association Foundation(GBTA)-ը անցկացրել է ուսումնասիրություն բիզնես-տուրիստների շրջանում: Արդյունքում պարզվել է.
- Բիզնես-տուրիստների մեծամասնությունը հայտնում է, որ իրենք այլըտրանք չունեն և ստիպված են անձամբ մեկնել գործուղման (78%), և հաճույքով են մեկնում նման ճանապարհորդությունների:
- Բիզնես-տուրիստների գրեթե կեսը նշում է, որ իրենց համար շատ կարևոր է կապ պահպանել ընտանիքի և ընկերների հետ (46 %) և լինել անվտանգության մեջ (46 %) :
- Գրեթե կեսը (46 %) աշխատում է սահմանափակ բյուջեով և ճանապարհորդության ընթացքում գտնվում է անընդհատ ճնշման տակ:
- Միջին ուղևորությունը տևում է չորս օր և արժե 1 837 դոլար:
- Գործարար զբոսաշրջիների (71 %-ը) քոլեջ է ավարտել, միջին տարիքային խումբը 38 տարեկանն է և 59%-ը արական սեռի ներկայացուցիչներ են:
Մասնագետների կարծիքով անհրաժեշտ է լավ ուսումնասիրել այս բաժինը, որպեսզի օգնել բիզնես- տուրիստներին առավելագույնս արդյունավետ օգտագործել ժամանակը գործուղման ընթացքում, ըստ այդմ` մատուցել նրանց լավագույն ծառայությունները: