Թայլանդի հայտնի առողջարանները հայտնվել են հերթական արևադարձային փոթորկի իշխանության տակ։ Հորդառատ անձրևներ են սպասվում Պղուկետում, Կաբիում, Պխանգ Նգայում և այլ շրջաններում։ Այդ մասին հայտնում է Bangkok Post-ը։
Թայլանդացի օդերևութաբանները հայտնում են «Կիրոգի» արևադարձային փոթորկի մասին, որը կիրակի օրը՝ նոյեմբերի 19-ին, հասել է Բանգկոկին և նրա շրջակայքին։ Առաջիկա օրերին ամպրորով հորդառատ անձրևներ են սպասվում Պղուկետ կղզու հայտնի առողջարաններում, Կրաբի նահանգում, Պխանգ Նգայում, Չումպխոնում և Ռանոնգում։ Օդերևութաբանները նախազգուշացնում են, որ առատ տեղումները կարող են հանգեցնել անսպասելի ջրհեղեղի։
Վատ եղանակի պատճառով Թայլանդի օդանավակայանում կարող են լինել թվերթների ուշացումներ։ Ծովային էքսկուրսիաները առաջիկա երկու օրվա համար հետաձգվել են։ Վատ եղանակը, ըստ օդերևութաբանների, կնահանջի նոյեմբերի 22-ին։
Եղանակը Հարավարևելյան Ասիայում այս տարի չի ուրախացնում զբոսաշրջիկներին։ Հիշեցնենք, որ ամսվա սկզբին ուժեղ փոթորիկ եղավ Վիետնամում, որի արդյունքում քանդվեց ավելի քան 2 000 տուն, վնասվեց՝ 16 000-ը։ Աղետին զոհ դարձավ 70 000 մարդ։