Օդանավակայաններում կհայտնվեն քնելու համար հարմար տեղեր

Սլովենիայի դիզայներները, գործարարներն ու ճանապարհորդները ստեղծել են հատուկ պարկուճներ քնի համար, որոնք կտեղադրեն եվրոպական օդանավակայաններում։ Այդ մասին հայտնում է Lenta-ն՝ հղում կատարելով  Fox News պորտալին։ Հայեցակարգի համաձայն՝ արտաքինից Airpods մոդուլները նման կլինեն ֆուտուրիստական դրեգստերների (արագություն զարգացնող մրցավազքային ավտոմեքենաներ)։ Ներսում ճանապարհորդները կարող են լիցքավորել հեռախոսը, միանալ համացանցին  Wi-Fi-ով և ֆիլմ դիտել։

Բացի այդ, զբոսաշրջիկները հնարավորություն կունենան հետևել դրսում կատարվող ամեն ինչին՝ չնայած նրան, որ քնասենյակները լիովին ձայնամեկուսացված են։ Պարկուճը ավտոմատ կերպով ազդանշան կհաղորդի այն մասին, որ ուղևորը արդեն պետք է գնա թռիչքի։