Նոյեմբերի 3-ին և 4-ին Իտալիայի մայրաքաղաքը կդառնա նաև կատուների մայրաքաղաք: Քաղաքում կանցկացվի «Supercat Show» 12-րդ միջազգային ցուցահանդեսը: Գունագեղ շոուում կմասնակցեն ավելի քան 600 գեղեցկագույն կատուներ ամբողջ աշխարհից: Կներկայացվեն բոլոր ցեղատեսակների և ծագման վայրերի լավագույն օրինակները: Եվրոպայից և աշխարհի տարբեր երկրներից եկած ցուցահանդեսի մասնակիցները կպայքարեն անվանակարգերում, այդ թվում՝ գլխավոր անվանակարգում՝ «Լավագույններից լավագույնը»:
Ցուցահանդեսի շրջանակներում, բացի գեղեցկության մրցույթից, կլինեն կատվապահների հանդիպումներ, բանավեճներ և սեմինարներ, տեղեկատվական և զվարճալի միջոցառումներ: Ցուցահանդեսի այցելուները կարող են ոչ միայն հիանալ աշխարհի լավագույն կատուներով: Կանցկացվի նաև կատուների կերերի և այս ընտանի կենդանիների աքսեսուարների մեծ ցուցահանդես:
