Չինաստանում հայտարարել են այն մասին, որ Չինական մեծ պատը 2.5 անգամ ավելի երկար է, քան համարվում էր: Ըստ վերջին տվյալների` պատի երկարությունը կազմում է 21.196 հազար կիլոմետր. հայտնում է Սինհուա ինֆորմացիոն գործակալությունը:
2009 թվականին հրապարակվել է ուսումնասիրությունների նախնական տվյալները, համաձայն որի, Չինական մեծ պատը գրեթե 2.5 անգամ կարճ է եղել` 8.85 հազար կիլոմետր: ՉԺՀ-ի մշակութային ժառանգության պահպանման պետական վարչությունը հրապարակել է այս տվյալները` հիմնվելով 2007 թվականին անցկացրած հնագիտական պեղումների և չափումների վրա: 
Նախորդ տվյալները հիմնականում հիմնվել են պատմական աղբյուրների վրա: Երկնային կայսրության «10 հազար լի երկարությամբ պատը»` Չինական մեծ պատը, կառուցվել է մ.թ.ա. 500 թվականին, իսկ մ.թ.ա. 220 թվականին` Ցին գերդաստանի օրոք նախկինում կառուցված կտորները կապել են միմյանց: Նախնական տեսքով պահպանվել է պատի միայն 8.2% մասը, մնացած մասը գտնվում է անմխիթար վիճակում. հայտնում են փորձագետները: