Ավտոմեքենաների վարձակալման Hertz միջազգային կորպորացիայի Մեծ Բրիտանիայի մասնաճյուղը զբոսաշրջիկներին առաջարկում է վարձակալել McLaren MP4-12C սուպերմեքենան: Այս մեքենան ունակ է զարգացնելու 320 կմ/ժ արագություն:
212 հազար ֆունտ ստերլինգ (շուրջ 254 հազար եվրո) արժողությամբ մեքենայի մեկօրյա վարձակալման արժեքը կազմում է 1134 ֆունտ (շուրջ 1356 եվրո): Սակայն այս սակագինը ուժի մեջ է մեկ պայմանով, որ մեքենան օրական պետք է անցնի 160 կմ-ից ոչ ավել ճանապարհ:
Hertz-ը նախազգուշացնում է, որ վարձակալության գինը ներառում է ապահովագրությունը, բայց միայն Մեծ Բրիտանիայի սահմաններում: Մասնավորապես նշվում է, որ այն չի ներառում հնարավոր վնասվածքների ծածկումը, որը կարող է ստանալ ավտոմեքենան: Նույնիսկ չնչին քերծվածքի դեպքում վարձակալողը պետք է վճարի 5 հազար ֆունտ (շուրջ 6 հազար եվրո):
Բացի սա, Hertz-ը առաջարկում է նաև վարձակալել Ferrari 458 Italia (շուրջ 988 եվրո`օրական), Ferrari F430 Spyder (606 եվրո` օրական) կամ Aston Martin DB9 (շուրջ 538 եվրո`օրական):