Եվրոպայում հայտնվել է հյուրանոց, որտեղ հնարավոր չէ մուտք գործել առանց սմարթֆոնի

Բուդապեշտում բացվել է 40  համարով 4-աստղանի  KViHotel հյուրանոցը, որի հյուրերը բոլոր գործողությունները՝ ամրագրումից մինչև  check-out,  կատարում են հատուկ բջջային հավելվածի՝  TMRW Hotels-ի միջոցով։ Այդ մասին գրում է  eTurbo News-ը։

Եվրոպայի առաջին ապագայի հյուրանոցը, որը կառավարվում է սմարթֆոնով, հայտնվել է երկու տարվա ինտենսիվ IT-մշակումների արդյունքում։ Հյուրանոցի աշխատանքը կազմակերպվում է ճանապարհորդության և ժամանակակից տեխնոլոգիաների աշխարհում վերջին միտումների կիրառմամբ։

KViHotel-ը աշխատում է գրեթե առանց անձնակազմի։ Նրա գործառույթները կատարվում է ավտոմատ կերպով, իսկ այդ ամենը կառավարում են հենց հյուրանոցի հյուրերը՝ իրենց սմարթֆոնների օգնությամբ։ Հավելվածով ներբեռնված գաջեթը բանալի է հանդիսանում համարի համար, ինչպես նաև՝ բացում հիմնական դուռը ուշ ժամանման դեպքում, վերահսկում օդորակչի աշխատանքը (նույնիսկ մի քանի հազար կիլոմետր հեռավորության վրա), կանչում է սպասուհիներին, պատվիրում տաքսի, վճարում հավելյալ ծառայությունների դիմաց և այլն։ Հավելվածը նաև թույլ  է տալիս համար ամրագրել կամ պարզապես կախել վիրտուալ  «չանհանգստացնել» ցուցանակը։

Հյուրերին  «խելացի հյուրանոցը» առաջարկում է երեք տեսակի համար՝  18-ից  36 քառակուսի մետր մակերեսով՝ սովորական, լյուքս և կիսալյուքս։ Առաջին հարկի երեք համարում կան դեպի այգին նայող  բացօթիկներ։ Յուրաքանչյուր համար ունի ինտելեկտուալ հեռուստացույց, որով, բացի սովորական հեռուստաաալիքներից, կարելի է ընտրել և դիտել նաև տեսանյութեր, ֆիլմեր և սերիալներ՝ ըստ հյուրի ցանկության։ Հյուրանոցի ամբողջ տարածքում գործում է Wi-Fi։

KViHotel հյուրանոցը գտնվում է Բուդապեշտի կենտրոնում։ Բնակության արժեքը սկսվում է 120 եվրոյից։