Բջջային հավելվածը կօգնի զբոսաշրջիկներին գտնել մոտակա հասարակական զուգարանը
Անծանոթ քաղաքում հասարակական զուգարանի անհույս փնտրտուքը խնդիր է, որին բախվում են շատ զբոսաշրջիկներ։ Նոր հավելվածը կօգնի ճանապարհորդներին լուծել այդ խնդիրը։
Բրիտանական Flush App ընկերությունը, որն աշխատում է բջջային հավելվածների հայտնի մշակող Սեմ Ռաստոնի ղեկավարման ներքո, գործարկել է հասարակական զուգարանի որոնման ծրագիր։ Հավելվածի տվյալների բազայում առկա է ավելի քան մեկ քառորդ միլիոն կանանց և տղամարդկանց զուգարաններ Մեծ Բրիտանիայի, ԱՄՆ-ի և Կանադայի տարածքում։
Flush ծրագիրը հասանելի է iOS և Android հարթակներում գործող հեռախոսների համար։ Դրա օգտագործման համար ինտերնետ միացումը անհրաժեշտություն չէ։ Պետք է միայն նախապես տեղանքի քարտեզը ներբեռնել հեռախոսի մեջ։ Բացի հասարակական զուգարանի հստակ հասցեից, հավելվածում նշված է նաև դրանց գները, ինչպես նաև՝ սահմանափակ կարողություններով մարդկանց համար պայմանների առկայությունը։