ԱՄՆ-ի Վիրջինիա նահանգի Մաքլին քաղաքում գտնվող հյուրանոցում հայտնվել է շատ անսովոր աշխատակից․ ընդունարանում տեղադրված ռոբոտը կշփվի հյուրերի հետ և նրանց անհրաժեշտ խորհուրդներ ու խորհրդատվություն կտրամադրի։ 
Կոննի ռոբոտը, ում անվանել են՝ ի պատիվ հյուրանոցային կոորպորացիայի հիմնադիր Կոնրադ Հիլթոնի, մշակվել է IBM ընկերության կողմից։ Այս պահի դրությամբ հաճախորդների խորհրդատվության սարքը գործում է ուսումնական ռեժիմում։ Ռոբոտը, որը ստեղծվել է IBM Watson համակարգչի հիման վրա, ակտիվ կշփվի հաճախորդների հետ, ինչն էլ կօգնի նրան արագ զարգանալ և հարմարվել բոլոր հնարավոր հարցերին։ 
Այս նորարարությունը հիացմունք է առաջացրել համացանցի օգտատերերի շրջանում։ Աշխարհի զբոսաշրջիկների շրջանում վերջերս անցկացված հարցման տվյալներով՝ զբոսաշրջիկների մեծամասնությունը նախընտրում է ռոբոտների կամ կամակարգիչների ծառայությունը՝ հյուրանոցի աշխատակիցների փոխարեն։
Այլ հոդվածներ