Իր հայտնությամբ այս վայրը պարտական է մանկական երազանքին․ հայտնի դիզայներ Ռալֆ Լորենի դուստրը՝ Դիլան Լորենը, այնքան է տպավորվել  «Վիլլի Վոնկա և շոկոլադե ֆաբրիկա» ֆիլմից, որ ինքն իրեն խոստացել է բացել քաղցրավենիքների շատ մեծ խանութ, երբ մեծանա։ Այժմ այս վայրը հայտնի և սիրելի է բոլոր փոքրիկ ամերիկուհիների համար։ Գուցե այդ պատճառով էլ  «Բամբասկոտի» ստեղծողները որոշել են ուղարկել Վանեսսային հենց այստեղ Նեյթի համար նվեր մարմելադ գնելու։ Վայր, որտեղ իրականանում են կանացի երազանքները։

Հասցե՝ 1011 3rdAve, Նյու Յորք։

McSorley’s Old Ale House «Մի անգամ Ամերիկայում» ֆիլմից

Հենց այստեղ է երիտասարդ Ռոբերտ դե Նիրոն իր խմբի հետ դեռևս բավականին անմեղ գոր]եր ծավալում։ «Մաքսորլիի Հին Գարեջրատունը», որը Նյու Յորքի ամենահին բարերից մեկն է, երկար ժամանակ բացառապես տղամարդկանց վայրի կարգավիճակ ուներ։ Կանանց մուտքը այստեղ արգելված էր մինչև  1970 թվականը, երբ դատարանը որոշում կայացրեց վերացնել այդ արգելքները։ Այդպես փլուզվեց վերջին նյույորքյան  «for men only» բարի պարիսպները։

Բայց նույնիսկ այս որոշումից հետո դաժան կանոնասերները չէին պատրաստվում հանձնվել։ Ամբողջ 16 տարի «Մաքսորլիի Հին Գարեջրատանը» կանանց առաջարկում էին օգտվել նույն զուգարանից, ինչ տղամարդիկ, քանի որ կանանց սենյակներ այնտեղ պարզապես գոյություն չունեին։ Առաջին կինը, ով մուտք է գործել բար տղամարդկանց  չխրախուսող հայացքների և սուլոցների ներքո, եղել է Կանանց ազգային կազմակերպության փոխնախագահ Լյուսի Կոմիսարը։

Kong «Սեքսը մեծ քաղաքում» սերիալից

Աշխարհի կանանց կողմից սիրված այս սերիալը հայտնի է դարձրել Նյու Յորքի շատ վայրեր։ Բայց այս վայրը յուրահատուկ է, հատկապես, երևի, որ գտնվում է Փարիզում։

Հիշում եք այն սերիաները, երբ Քերրին մեկնում է սիրո քաղաք իր սիրելիի՝ ֆրանսիացի նկարչի հետևից։ Իսկ մինչ նրա հերոսը զբաղվում է իր ցուցահանդեսով, աղջիկը հանդիպում և զվարճանում է  նրա նախկին կնոջ հետ։ Նրանք հանդիպում են այն ժամանակ նորաձև  Kong ռեստորանում, որը նախագծել է հայտնի դիզայներ Ֆիլիպ Ստարկը։ Հաստատությունը գտնվում է ապակե գմբեթի տակ, որտեղից բացվում են հրաշալի տեսարաններ դեպի Փարիզը։

Cicada  «Միսթր և միսիս Սմիթ», «Սիրունիկը» և  «Ամենակարող Բրյուսը» ֆիլմերից

Երկար պատմությամբ այս շքեղ ռեստորանում հայտնվելը այնքան էլ հեշտ չէ։ Ինտերիերի հրաշալի ձևավորումը, կենդանի երաժշտությունը և ֆրակով մատուցողները ենթադրում են անշտապ ընթրիք և թանկարժեք զգեստներ։ Դրես կոդն այս հաստատությունում շատ խիստ է, առօրյա հագուստով այստեղ մուտքը արգելված է։

Շնորհիվ իր տպավորիչ գեղեցկության՝ այս վայրը բազմիցս նկարահանել են ֆիլմերում։ Հիշու՞մ եք  միսթր և միսիս Սմիթների  կրքոտ դանդաղ պարը։ Իսկ իր քաղաքացիական կնոջը առաջարկություն չանող ամենակարող Բրյուսի՞ն։ Դե, իսկ Սիրունիկը ֆիլմի հերոսու ձախողված ընթրիքը մոռանալ հնարավոր չէ։ Այդ ամենը կատարվում է  հենց այստեղ՝  «Cicada» ռեստորանում, որը նրբագեղության, ոճի և շքեղ կյանքի իսկական խորհրդանիշ է։