Տարեկան 50 միլիոն մարդ ուղևորահոսքով աշխարհի լավագույն օդանավակայնը ճանաչվել է Դուբայի ավիահանգույցը։ Այդ եզրակացության հանգել է ավիաճանապարհորդությունների ոլորտի World Routes Marketing Award հեղինակավոր մրցանակաբաշխության ժյուրին։ Ինչպես հաղորդվում է միջոցառման կայքում, նշում է Lenta-ն, մրցանակաբաշխության արարողությունը տեղի է ունեցել սեպտեմբերի 22-ին հարավաֆրիկյան Դուրբանում։
Տարեկան 20-ից 50 միլիոն ուղևորի սպասարկող օդանավակայաններից մրցանակի է արժանացել Կոպենհագենի օդանավակայանը։ Պրահայի օդային դարպասները դարձել են լավագույնը նրանց շարքում, որոնք տարեկան սպասարկում են 4-20 միլիոն մարդու։
Փոքրիկ ավիահանգույցներից (ուղևորափոխադրումը հասնում է մինչև 4 միլիոն մարդ տարեկան) հաղթող է ճանաչվել կանադական Հալիֆակսի Ստենֆիլդի օդանավակայանը։
Շորթ լիսոտւմ ընդգրկվել են նաև Սինգապուրի, Ամստերդամի, Ֆրանկֆուրտի, Աբու Դաբիի, Բրյուսելի, Մյունխենի, Դուբլինի, Վիեննայի և այլ երկրների օդանավակայաններ։
Բացի դրանից մրցույթում հայտնի է դարձել աշխարհի լավագույն տուրիստական գործակալությունը։ Այդ անվանակարգում մրցանակի է արժանացել Իռլանդիայի պատվիրակությունը։