Պրահայի տրանսպորտային ընկերությունը սկսել է փոխարինել տեղեկատվական կրպակները ինտերակտիվ սենսորային էկրանների հետ Պրահայի մետրոյի կայարաններում։ Փոփոխությունները առաջին հերթին կատարվում են քաղաքի կենտրոնում գտնվող կայարաններում՝ ակտիվ զբոսաշրջային կետերում։ Ընդհանուր առմամբ, նոր էկրաններ կունենան մետրոյի 60 կայարան։ Նախագծի փորձնական փուլում նոր վահանակներ են տեղադրվել Karlovo náměsti, Náměstí Míru и Prážského povstání կայարաններում։ Նորացված տեղեկատվական էկրանները հնարավորություն են տալիս ոչ միայն գտնել անհրաժեշտ երթուղիները և կայարանները, այլև՝ առաջարկում են բազմաթիվ նորարարություններ՝ որոնում քարտեզով, տեղեկություններ Պրահայի տեսարժան վայրերի մասին՝ զուգահեռ նավիգացիայով, լրացուցիչ իրազեկում տրանսպորտային երթևեկության փոփոխությունների մասին, իսկ վթարի դեպքում՝ մետրոյի փակման կամ կայարանից էվակուացիայի մասին, տեղեկատու տոմսերի սակագների և արժեքի մասին, վալիդատորների ցանկը, տոմսերի վաճառքի վայրերը, ընթացիկ եղանակային պայմանները և մի քանի օրվա եղանակային կանխատեսւոմները։ Տեղեկատվական էկրանի աշխատանքային լեզուները դեռևս չորսն են՝ չեխերեն, անգլերեն, գերմաներեն և ռուսերեն։ Սակայն մտադրություն կա ընդլայնել լեզվական հնարավորությունները։
Այլ հոդվածներ