Հռոմի իշխանությունները հավանության են արժանացրել «Կարմիր լապտերների» փողոցի ստեղծման գաղափարը, որը կսկսի իր աշխատանքները այս տարվա ապրիլին: Իտալիայի մայրաքաղաքի քաղաքապետ Իգնացիո Մարինոն իր հավանությունն է տվել փորձարկման համար գործարար EUR թաղամասում, որը գտնվում է քաղաքի հարավային հատվածում:
«Կարմիր լապտերների» փողոցը կհայտնվի շրջանի փողոցներից մեկում: Եթե փորձը հաջողվի, ապա Հռոմի իշխանությունները ևս երկու «կարմիր լապտերների» փողոց կբացեն:
Ինչպես կվերաբերվեն փորձին զբոսաշրջիկները և գործարարները դեռ հայտնի չէ, բայց տեղի բնակիչները մտահաղացումը անվանում են «գիշերային մղձավանջ», քանի որ, տեղի բնակիչների խոսքերով, EUR-ը արդեն ամբողջովին վերածվել է «Կարմիր լապտերների» շրջանի, որտեղ ավելի քան 20 փողոց աշխատում են տվյալ ուղղությամբ, բաժանվելով` ըստ հետաքրքրությունների, և առաջարկելով ծառայությունները` ըստ ճաշակի. գրում է Nhe Local-ը:
