ВВС հեռուստաալիքը մտադիր է Մեծ Բրիտանիայում կառուցել թեմատիկ այգի Top Gear շոուի և Պարոն Ոչ ոքի ու Շերլոկ Հոլմսի մասին սերիալների սյուժեներով: Զբոսայգին կհայտնվի Սվանսկոմբում (Քենթ կոմսություն)՝ որպես փարիզյան Դիսնեյլենդի բրիտանական պատասխան:
Նոր այգին, որի ատրակցիոնները ոգեշնչված կլինեն Paramount Pictures ստուդիայի ֆիլմերից և ВВС ալիքի հեռուստաշոուիներից, կհայտնվի 2020 թվականին Անգլիայի հարավ-արևելքում և, նախնական հաշվարկներով կգրավի տարեկան շուրջ 15 միլիոն այցելուի: London Resort Company Holdings բրիտանական ընկերության տնօրեն Դեյվիդ Տեեստան հավաստիացրել է, որ նոր London Paramount Entertainment Resort թեմատիկ այգում կհամատեղվեն Հոլիվուդյան կախարդանքը և բրիտանական մշակույթը:
ВВС -ի ղեկավարությունը դեռևս չի հստակեցրել հեռուստաշոուների ցանկը, որոնց սյուժեներով կստեղծվեն նոր այգու ատրակցիոնները: Բանակցությունները դեռևս վաղ փուլում են: Սակայն, ինչպես գրում է The Telegraph պարբերականը, վստահ կարելի է ասել, որ «Պարոն ոչ ոք»-ը կդառնա այգու առանցքային կերպարներից մեկ: ВВС այգու շուրջ կստեղծվի ամբողջական հանգստավայր՝ կինոթատրոններով, ռեստորաններով, աքվապարկով և հյուրանոցներով: