Հուլիսի 23-ին Բեթմենը՝ բոլոր ժամանակների ամենահայտնի ֆիլմային հերոսներից մեկը, կդառնա 75 տարեկան: Այդ առթիվ հոլիվուդյան Warner Bros. կինոստուդիան պատրաստել է մեծ ցուցահանդես, որտեղ այցելուները կտեսնեն յուրօրինակ ցուցանմուշներ Բեթմենի մասին ֆիլմերի նկարահանումներից:
Ցուցահանդեսը զբաղեցնում է մի քանի սրահներ: Դրանցից մեկը ամբողջությամբ նվիրված է «բեթմոբիլներին»՝ սուպերհերոսի ավտոմեքենաներին: Մյուսում ներկայացված են Բեթմենի զենքերը և հագուստը, իսկ երրորդում՝ սագայի չարագործների՝ Ջոկերի, Պինգվինի և Թունավոր Բաղեղի արձանները և արտեֆակտները:
Չորրորդ սրահում այցելուները կարող են տեսնել կինոէպոսի նկարհանումներից լուսանկարներ և ռեկվիզիտ: Բոլոր ցանկացողներին կառաջարկեն էքսկուրսիա գիդի ուղեկցությամբ, որի ընթացքում կարելի է շատ բան իմանալ Բեթմենի մասին: Ցուցահանդեսը բաց կլինի ամեն օր 8:15-ից 16:00-ն: Մուտքի տոմսը մեկ հոգու համար կարժենա $54 դոլար:
