Բրիտանացի ամուսիններ Ալեքս Պելլինգը և Լիզա Գենտը ավելի քան 50 հարսանիք են ունեցել ավելի քան 50 երկրներում. գրում է The Daily Mail-ը: Ինչպես նշում է թերթը` զույգի ռոմանտիկ ուղևորությունը տևել է երկու տարի: Յորաքանչյուր հարսանիք տեղի է ունեցել տվյալ երկրի ավանդույթների համաձայն, որտեղ եղել են Պելլինգը և Գենտը:
Մանչեսթերյան զույգի ուղևորությունը մեծ հետաքրքրություն է առաջացրել ինտերնետ օգտատերերի շրջանում. ամուսինների բլոգը գրանցել է միլիոնից ավել դիտումներ, իսկ ֆեյբուքում նրանց հետևում է 37 հազար օգտատեր. նշվում է հոդվածում: 2011 թվականին Պելլինգը և Գենտը որոշել են Բրիտանիայից տեղափոխվել Ավստրալիա:
Մեկնումից առաջ նրանք պլանավորել են գտնել հարսանեկան արարողության համար «կատարյալ երկիրը», բայց արդյունքում որոշել են ամուսնանալ հնարավոր առավելագույն քանակի երկրներում: Մասնավորապես, բրիտանացիները ամուսնացել են ԱՄՆ-ում, Լիտվայում և Պանամայում: Այժմ ամուսինները գտնվում են Թուրքիայում, որտեղից նախատեսում են մեկնել Իրան, Իրաք և Պակիստան:
