Նոյեմբերի 24-ին Ալեկսանտերինկատու (Aleksanterinkatu) փողոցը կվերածվի մայրաքաղաքի գլխավոր սուրբծննդյան փողոցի: Բացման արարողությունը կսկսվի 13.30-ին Սենատի հրապարակում, իսկ 15.00-ին Հելսինկիի քաղաքապետ Յուսսի Պայունեն Ալեկսանտերինկատուում կվառի տոնական լուսավորությունը:
Սենատի փողոցում հանդես կգան արտիստներ, ողջույնի խոսքով հանդես կգա Ստոկոլմի նահանգապետը, ով կդառնա միջոցառման պատվավոր հյուրը: Տրամվայով հրապարակ կգա նաև Սանտա Կլաուսը կամ Յոուլուպուկին: Նրան կուղեկցեն մի խումբ երեխաներ, ովքեր բուժվում են քաղաքային հիվանդանոցներից մեկում:
14.00-ին Յոուլուպուկին կգլխավորի տոնական երթը, որը կուղևորվի Սենատի հրապարակից Ալեկսանտերինկատու փողոցով, Մաներգեյմ պողոտայով և Հյուսիսային Էսպլանադայով կրկին կվերադառնա հրապարակ: Այս տարիԱլեկսանտերինկատուն տոնական փողոց կդառնա արդեն 65-րդ անգամ: Այն լուսավորված կլինի մինչև հունվարի վերջ: