Բույրերը չեն խաբում, քանի որ դրանք քիմիա են: Զբոսաշրջիկի համար շատ կարևոր է ունենալ սուր հոտառություն, քանի որ յուրաքանչյուր երկիր ունի իր բույրը: Եվ եթե դուք ոչ մի տեղ չեք պատրաստվում գնալ, կարող եք ստեղծել ձեր երազանքների երկրին համապատասխան տրամադրություն և զգացում: Կարծիք կա, որ ամենահամեղ հոտերը դրանք թարմ պատրաստված սուրճի, նոր թխված խմորեղենի և նոր տպագրված գրքի հոտերն են: Չենք վիճի, բայց սիրելի հոտերը կարող են լինել այնքան, որքան դուք կցանկանաք: Չէ որ յուրաքանչյուր ավազահատիկ ունի իր առանձնահատկությունը և անգամ դրանց հոտերը կարող են տարբեր լինել` կախված տրամադրությունից:
Ծաղկային Ֆրանսիա
Ֆրանսիան բուրում է թխվածքների, վարդերի, կարմիր գինու և հատկապես օծանելիքի բույրով: Այս երկիրը ունի միլիոնավոր բույրեր, այդ պատճառով հարկավոր չէ կառչել միայն Chanel №5-ից: Զբոսնելով Փարիզով` որսում եք այնպիսի մոլեկուլներ, ինչպիսիք են կրուասանների համեղ հոտը, սուր, քաղցր կամ նուրբ օծանելիքների հոտերը, վարդագույն տերևների ցողը, որոնք պարտադիր կմիավորվեն սխտորի և անգամ հասարակական վայրերի էժանագին բույրերի հետ:
Jasmin Imperatrice Eugenie Creed
Խումբը – ծաղկած ծառերի բույրեր
Բարձր նյութը– բերգամոտ
Սրտի նյութերը– վարդ, ամբեր և ժասմին
Հիմնական նյութերը–Վանիլ և ճանդակի ծառ
Եթե մենք խոսում ենք Իտալիայի հոտերի մասին, ապա մեր քթին մի տեսակ սկսում է խուտուտ տալ պիցցայի և սպագետտիի հոտը: Վենետիկը ձեզ կդիմավորի ջրանցքների և սուրճի բույրով, Հռոմը կգրգռի շոկոլադե հացաբուլկեղենի և երկաթի բույրով, Ռիմինին՝ ձկան և օծանելիքի բույրերի խառնուրդով, իսկ Պեզարոյում կարող եք խեղդվել ծովի և ծաղիկների հոտերից: Իտալիան նաև բուրում է խոտաբույսերի և ջրաներկերի բույրով: Իհարկե, կարող եք բուրել «Eau de Pizza Hut» օծանելիքի բույրով, որի անվանումը խոսում է ինքն իր մասին, բայց ավելի լավ է խուսափեք նման արմատական ինքնաարտահայտման միջոցներից:
Սրտի նյութերը– կակաո և մուգ շոկոլադ
Հիմնական նյութերը– ճանդակի ծառ, մշկայուղ և կոկոս
Էքստրեմալ Գերմանիա
Եթե հրաժարվենք կարծրատիպից, համաձայն որի Գերմանիան բուրում է նրբերշիկների և գարեջրի հոտով, ապա միանգամից ամեն ինչ իր տեղն է ընկնում: Գերմանիան բուրում է առնականության, լավ ավտոմեքենայի, բենզինի և վառվող կաուչուկի բույրով:
Բարձր նյութը– մանդարին և բերգամոտ
Սրտի նյութերը– անանուխ, սև հաղարջ, վանիլ և կոճապղպեղ
Հիմնական նյութերը – անուշահոտ նյութ, ճանդակի ծառ, մշկայուղ և վետիվեր
Ծովային Ճապոնիա
Ճապոնացիները շատ զգայուն են հոտերի հանդեպ: Օրինակ, վերջերս նրանք ստեղծել են ռոբոտների, ովքեր կարող են որոշել, թե որքան տհաճ եք դուք բուրում և անգամ գաջետները կարող են հոտեր արձակել: Ճապոնիան բազմադեմ է, բայց ավելի հաճախ բույրերը ասոցացնում են օվկիանոսի, տաք աղբյուրների, քունջութի յուղի, լոտոսի և ցիտրուսային յուզու մրգի բույրի հետ:
Բարձր նյութը– ցիտրուսներ, գրեյֆրուտ, կանաչ նշումներ
Սրտի նյութերը – յուզու, մրգեր և ծաղիկներ
Հիմնական նյութը – մշկայուղ
Անձրևային-թեյային Անգլիա
Անգլիան, ըստ սահմանման, բուրում է անձրևով, ինչպես նաև՝ սև թեյով և հին գրքերով: Բայց ավելի լավ բրիտանական հոտառության մասին կվկայեն անգլիացի միապետները: Օրինակ, բոլորի սիրելի արքայադուստր Դիանան շատ է սիրել օծանելիք, որոնցում եղել է զանգակների բույրը: Իսկ ահա ներկայիս թագուհի Ելիզավետա II-ից մշտապես բուրում է նարդոսի և մանուշակների հոտով:
Բարձր նյութերը– թեյ, սպիտակ ֆրեսեյա, արմավենու տերև, հիլ և համեմ
Սրտի նյութերը – վարդ, մեխակ, իլանգ-իլանգ, նարնջի գույն և ժասմին
Հիմնական նյութերը – մշկայուղ, կաթ, վանիլ և ճանդակի ծառ
«Համեմունքային» Հնդկաստան
Հնդկաստանի ամենահայտնի բույրերի մեջ առաջին հորիզոնականը զբաղեցնում է հանրահայտ «համեղ քառյակը». կարրի, հիլ, կոճապղպեղ և քրքում: Այս երկրում հնարավոր է գտնել ամենալավ արոմաթերապևտներին: Այստեղ անգամ ավազն է բուրում, որում դուք անպայման կգտնեք նաև խունկի բույր: Ընդհանրապես՝ հինդուիստները շատ ուշադիր են տարբեր ծագման բույրերի հանդեպ և անգամ պատահական բույրը կարող է Հնդկաստանի բնակչի համար կարևոր նշան լինել, որը թույլ կտա բարձրացնել ապագայի վարագույրը:
Բարձր նյութերը– կիտրոն, բերգամոտ, եղենափայտ և մանդարին
Սրտի նյութերը – Վետիվեր, վարդ, ժասմին, հակինթ
Հիմնական նյութերը – ճանդակ, մշկայուղ, վանիլ, կաշի, խունկ
Ծխախոտային Կուբա
Եթե խառնենք օվկիանոսի և թունդ ծխախոտի բույրերը, ապա վերջում մենք կստանանք Կուբան: Այո, ժամանակին Ազատության կղզին բուրում էր վառոդի բույրով, որը տարածված էր օդում, բայց այսօր խիստ տիկինը բարիացել է և անգամ նրբություն է հիշեցնում:
Բարձր նյութերը –թութունի տերև և համեմունքներ
Սրտի նյութերը – թութունի ծաղիկ, լոբու սերմ, կակաո և վանիլ
Հիմնական նյութերը – չորացրած մրգեր և փայտանյութ
Ճանդակե Աֆրիկա
Աֆրիկան դուք չեք շփոթի ոչնչի հետ. նրանից բուրում է էբենոսափայտի և ճանդակի բույրը: Դրանք շատ համառ բույրեր են, որոնք խեղդում են ռացիոնալ մտածելու ունակությունը: Նման բույր ունեցողը, որը ըստ սահմանման արկածասեր և ռիսկային մարդ է, կարող է վստահ ուղևորվել և գրավել Սև մայրցամաքը:
Բարձր նյութերը– ցիտրուսներ և բերգամոտ
Սրտի նյութերը– կակաոյի հատիկ
Հիմնական նյութերը– ճանդակի ծառ և համպար
Մենք վստահեցնում ենք ձեզ, որ ձեր քթին չի վնասի ոչ մի հոտ: Հիշեք միայն, որ պետք է օգտագործեք պետքական չափաբաժին և յուրաքանչյուր բույրի մեջ կգտնեք ինչ-որ ցանկալի բան: