Մարդ արարածը հաճախ է ցանկանում իր ունեցածի ճիշտ հակառակը: Ահա օրինակ, ապրելով մեգապոլիսում, որտեղ հնարավոր ամեն ինչ կա և անգամ անհնարինը, այնպես ես ցանկանում հայտնվել փոքրիկ քաղաքի նեղլիկ փողոցներում, որի բոլոր բնակիչները միմյանց ծանոթ են և ծաղիկներ են նվիրում իրար: Բարեբախտաբար, այդպիսի վայրեր այսօրվա օրով գոյություն ունեն ոչ միայն հին ֆիլմերի կադրերում` ներգրավելով իրենց կյանքի դանդաղ ռիթմի և անփոփոխ հարմոնիայի մեջ: Այսպես, ձեզ ենք ներկայացնում ծովային և ափից կտրված, արևելյան և արևմտյան, հեքիաթային և միևնույն ժամանակ իրական, ամենագեղատեսիլ և ռոմանտիկ քաղաքները աշխարհում:
Տրիր, Գերմանիա
Գերմանիայի հնագույն Տրիր քաղաքը նաև անվանում են Հյուսիսային Հռոմ: Աննախադեպ հնությամբ գոթական ոճի ամրոցները գտնվում են հանգիստ, կանաչ, գետերի ափերի և նեղլիկ փողոցների կողքին: Քաղաքի հայտնի պատմական հուշարձանը Սև Դարպասներն են, որը կառուցվել է մ. թ. 2-րդ հազարամյակում և մինչև այժմ ողջունում է այս պատմական և զարմանահրաշ քաղաք մտնող ցանկացած հյուրի: