09.09.09 խորհրդանշական ամսաթվի ժամը ինն անց ինը րոպեին Mall of the Emirates խոշորագույն առևտրի կենտրոնի մոտ գտնվող կայարանում Դուբայի շեյխ Մուհամեդ բին Ռաշիդ Ալ Մահմուդը հանդիսավոր կերպով բացեց Դուբայի մետրոպոլիտենը: Այն ամենաերկար, լիովին ավտոմատացված երկաթուղային համակարգն է աշխարհում, առաջին մետրոպոլիտենը Պարսից ծոցի տարածաշրջանում:
Գնացքների մեկնման ընդմիջումը միջինում կազմում է 5-7 րոպե: Այդ մասին տեղեկացնում է ինֆորմացիոն ցուցապաստառը, որի վրա երևում է, թե քանի րոպեից կժամանի գնացքը: Կայարանները հայտարարվում է արաբերեն և անգլերեն լեզուներով, ինչպես նաև` գնացքի վագոններում առկա լուսադիոդային էկրանի վազող տողի օգնությամբ:
Դուբայի մետրոպոլիտենի առաջին գծում աշխատում են մոտ 500 հարմարավետ, գեղեցիկ ու գունավոր ավտոբուս: 42 նոր երթուղայինները ապահովում են ուղևորների փոխադրումը մետրոյի կայարանների և նրա հարակից տարածքների միջև:
Մետրոյի հինգ վագոնները կապակցված են միմյանց և ազատ կարելի է շրջել ողջ գնացքով: Թեև, առաջին վագոնը ոչ բոլորի համար է: Դրա առաջին մասը իրենից ներկայացնում է «ոսկե դասի» սրահ` հարմարավետ նստարաններով և քիչ ուղևորներով (ոսկե տոմսը սովորական տոմսից կրկնակի թանկ արժե), մյուս մասը նախատեսված է բացառապես կանանց (նրանց, ովքեր ինչ-ինչ պատճառներով նախընտրում են երթևեկել մենակ) և երեխաների համար: 5 տարեկանից փոքր և 90 սմ-ից ցածրահասակ երեխաների ուղևորությունը անվճար է:
Ամենամեծ հետաքրքրությունը վարորդի բացակայությունն է: Էլեկտագնացքները վերահսկվում են հեռակա` համակարգչի օգնությամբ: Ճակատային ապակու մոտ միշտ կարելի է հանդիպել մարդկանց, ովքեր հիանում են գեղեցիկ տեսարանով:
Լուսանկարելու համար լավագույն վայրը վերջին վագոնն է:
Նախագծային կարողություններն են` 5 վագոն, 643 մարդ, առավելագույն արագությունը` 110 կմ/ժ:
Ի դեպ, Դուբայի մետրոյում արգելվում է ուտել և խմել ինչպես վագոնների մեջ, այնպես էլ` կայարաններում: Արգելվում է նաև քնել, ծխել, տեղափոխել կենդանիների, հեծանիվներ և ալկոհոային խմիչքներ: Ստոպ-ազդանշանի անհարկի օգտագործումը կարժենա 570 դոլար տուգանք:
Ակնկալվում է, որ առաջին էտապում մետրոյի ծառայությունից կօգտվեն քաղաքի բնակչության 30%-ից ոչ պակաս:
Դուբայի մետրոյի ուղևորները կարող են թողնել իրենց մեքենաները անվճար կայանատեղիում:
Կայարաններից որևէ մեկը Ձեր խանութի կամ բանկի անունով անվանակոչելու համար անհրաժեշտ է վճարել մեկ միլիոն դոլար և ավելի:
Այժմ գործում է 47 հետիոտնային անցում, որոնցից 20 անցնում է Էմիրությունների ամենաբանուկ մայրուղիով:
Ստորգետնյա կայարանի ծառայողական տարածքը:
Ֆինքսում ենք տեսախցիկը ու առաջ: Ոչ մի ֆոտոշոփի ծրագիր այստեղ անհրաժեշտ չէ:
Հանդիպակած գնացքն ու հենասյունը: Ահա, թե ինչպիսին է Դուբայի մետրոպոլիտենը: