Իսպանական Վալդես քաղաքում (Valdés, Աստուրիա նահանգ) մշակվում է ծրագիր էկոտուրիզմի և թռչունների սիրահարների համար: Գլխավոր տեսարժան վայր է դարձել Բուստո քաղաքի լճակը (Busto, Լուարկիից 6 կլիլոմետր հյուսիս-արևելք), որը վերականգնվել է բնապահպանական կազմակերպությունների և տարածաշրջանի կառավարության աջակցությամբ: Սկսած հնագույն ժամանակներից այս լճակը չվող թռչունների համար որպես կանգառ էր ծառայում, բայց վերջին տարիների անբարենպաստ բնապահպանական փոփոխությունները այն դարձրեցին անպիտան թռչունների բնակության համար:
Այժմ լճակը կրկին լի է ջրով, խողովակներ են անցկացվել անձրևաջրերի համար, իսկ հատակը ծածկված է հատուկ, անջրանցիկ շերտերով. գրում է BuenaEspana.ru-ն: Լճակը և նրա բնակիչները մեծ հետաքրքրություն են առաջացնում զբոսաշրջիկների և բնության սիրահարների շրջանում. Բուստո են մեկնում լուսանկարիչները, նկարիչ-կենդանաբանները և բոլոր նրանք, ում դուր են գալիս թռչուններն ու գեղեցիկ բնապատկերները: Ներկայումս Վալդեսում մշակվում են մի շարք էքսկուրսիոն ծրագրեր զբոսաշրջային պահանջարկը բավարարելու համար, միևնույն ժամանակ՝ վնաս չհասցնելով թռչուններին և կենդանիներին: