Սինգապուրյան Marina Bay Sands հանգստավայրում բացվել է ցուցահանդես հայտնի Տիտանիկի ցուցանմուշներով: Ցուցահանդեսը, նվիրված լեգենդար նավի կործանման հարյուրամյակին, ներկայացված է ArtScience թանգարանում: Դա թանգարանի պատմության մեջ ամենախոշոր ցուցադրությունն է: Այն կգործի մինչև 2012 թվականի ապրիլը:
Հանրության ուշադրությանն է ներկայացված ավելի քան 275 ցուցանմուշ, որոնք հանվել է ծովի 3.8 հազար մետր խորությունից: Ցուցահանդեսի գլխավոր և կենտրոնական ցուցանմուշը բրոնզե հրեշտակն է համարվում, որը ժամանակին զարդարել է նավի հսկայական աստիճանը:
Բացի դրանից, ցուցահանդեսում կարելի է տեսնել Տիտանիկի ռեստորանի մոմակալը, ինչպես նաև ատամի մածուկի տարա, որի վրա պատկերված է երիտասարդ Վիկտորիա թագուհու պատկերը: Այդպիսի եզակի ցուցանմուշներ առաջին անգամ է ցուցադրվում հարավ-արևելյան Ասիայում:
