Հետաքրքիր փաստեր Շոտլանդիայի մասին (մաս 2)

Առաջարկում ենք ծանոթանալ Շոտլանդիայի մասին հետաքրքիր փաստերի 2-րդ մասին:

• Երկրի հյուսիս-արևելքում աղջիկներին անվանում են «quines», իսկ տղաներին «louns»:

• Ամենաառաջին հիշատակումը Լոխ Նեսսի հրեշի մասին եղել է մ. թ. 565 թվականին, երբ «ջրային հրեշը» հարձակվել է սուրբ Կոլումբոսի (St. Columba) ուղեկիցներից մեկի վրա:

• Շոտլանդական Աբերդին քաղաքը հայտնի է որպես «Եվրոպայի նավթային մայրաքաղաք» կամ «գրանիտի քաղաք»:

• Շոտլանդիայի ամենախորը լճի խորությունը կազմում է  328 մետր: Այն իր խորությամբ աշխարհում տասնյոթերորդ լիճն է:

• Շոտլանդիայում վիսկիի արտադրության ամենափոքրիկ գործարանը Edradour in Pitlochry-ն է, որը տարեկան 100 հազար զբոսաշրջիկների է ընդունում, ընդ որում արտադրում է միայն  90 հազար լիտր ածիկի վիսկի:

• Այստեղ է աճում Եվրոպայի ամենահին ծառը` կարմրածառը, որը Ֆորտինգոլում (Fortingall)  կանգնած է շուրջ 3000 տարի:

• Անձրևանոցը ստեղծվել է Շոտլանդիայում  1824 թվականին  ծագումով Գլազգոյից քիմիկոս, նկարիչ և դիզայներ Չարլզ Մակինթոշի (Charles Macintosh) կողմից: Մեծ Բրիտանիայում հագուստի այդ պարագան մինչև այժմ էլ կոչվում է  «Mac»:

• Շոտլանդիայի պետական կրոնը համարվում է  քրիստոնեությունը, իսկ եկեղեցիներին անվանում են «կիրհամներ»  («kirks»):

• Շոտլանդիան իր անկախությունը ստացել է 1314 թվականին այն բանից հետո,երբ  Ռոբերտ Բրյուսը պարտության մատնեց անգլիական բանակին Բաննոկբերնի (Bannockburn) ճակատամարտում:

• Շոտլանդիայի թագավորությունը անկախ պետություն մնաց մինչև 1707 թվականի մայիսի  1-ը, որից հետո միության ակտով այն միացավ Անգլիային` ստեղծելով Մեծ Բրիտանիայի Միցյալ Թագավորություն:

• 1707 թվականից հետո առաջին անգամ 1999 թվականի հուլիսի 1-ին Շոտլանդիայում կրկին ձևավորվեց իր սեփական խորհրդարանը:

• Երկրի ընդհանուր մակերեսը կազմում է  78.772 քառակուսի կմ:

• Բնակչության ընդհանուր քանակը կազմում է շուրջ  5.2 միլիոն մարդ, Մեծ Բրիտանիայի ընդհանուր բնակչության  մոտավորապես  8.5%-ը:

• Բնակչության խտությունը կազմում է մոտավորապես  167.5 մարդ մեկ քառակուսի մղոնի վրա:

• Երկրում ապրում է մոտավորապես այնքան շոտլանդացի, որքան Հյուսիսային Ամերիկայում: Համաձայն Կանադայում և ԱՄՆ-ում անցկացրած մարդահամարի` շուրջ 5 միլիոն մարդ իրենց համարում են շոտլանդացիներ:

• Շոտլանդիան նախկինի պես ունի իր սեփական` Անգլիայից, Ուելսից, Հյուսիսային Իռալնդիայից անջատված,  իրավական համակարգը:

• 1695 թվականին հիմնադրված Շոտլանդիայի բանկը ամենահին բանկն է համարվում Մեծ Բրիտանիայում: Այն նաև եղել է Եվրոպայի առաջին բանկը, որը սկսել է տպագրել իր սեփական թղթադրամները: