Լոնդոնի պատմական Գրինվիչ արվարձանը ընդգրկվել է աշխարհի լավագույն 10 տեսարժան վայրերի ցուցակում, որտեղ հարկավոր է այցելել 2012 թվականին, հայտնում է DailyMail-ը: Frommer’s ձեռնարկը տասնյակում նաև ներառել է Լոնդոնի 18-րդ դարի հարավային դարպասները: Ամենահին թագավորական այգիներից մեկում` Գրինվիչի այգում, 2012 թվականին կանցկացվի ձիարշավներ, ժամանակակից հնգամարտեր և Լոնդոնի Օլիմպիական և Պարաօլիմպիական խաղերի հրաձգության մրցույթներ, ինչպես նաև` բասկետբոլ և գեղարվեստական մարմնամարզություն:
Գրինվիչը հայտնի է իր ճարտարապետությամբ, գտնվում է Թեմզա գետի մոտակայքում, որտեղից էլ բացվում է հիասքանչ տեսարան, ինչպես նաև` այդտեղ է գտնվում Թագավորական աստղադիտարանը և Ծովային թանգարանը (National Maritime Museum):
Ըստ Frommer’s ձեռնարկի 2012 թվականի տեսարժան վայրերը.
1. Գրինվիչ – Մեծ Բրիտանիա
2. Ժիրոնա – Իսպանիա
3. Բեյրութ – Լիբանան
4. Յուկատան թերակղզի – Մեքսիկա
5. Ֆանդի ծովածոց (Bay of Fundy) – Կանադա
6. Չունցին (Chongqing) – Չինաստան
7. Ֆուկուոկա – Ճապոնիա
8. Կյուրասաո – Կարիբյան կղզիներ
Ինչպես նաև` Frommer’s-ը առաջարկում է Տրոմսո քաղաքր (Նորվեգիա)` որպես լավագույն հանգստավայր կրուիզի համար, արկածային հանգստի սիրահարների համար առաջարկում են այցելել ԱՄՆ-ի Յուտա նահանգի Մոաբ քաղաք, լավագույն քաղաքային հանգստի համար` Չիկագո (ԱՄՆ), համեղ ուտեստների համար` Լիմա (Պերու), իսկ Ալբանական Ռիվեյրան` արձակուրդները անցկացնելու լավագույն վայրը:
