McDonald’s արագ սննդի համաշխարհային ռեստորանային ցանցը Ավստրալիայում գտնվող իր ռետորանների անվանումը ժամանակավորապես փոխել է: Այժմ դրանք անվանվում են Macca’s . ինչպես երևում է` հենց աայդպես են անվանում ավստրալիացիների կեսը McDonald’s-ը: Ինչպես հայտնում է Lenta.ru-ն` McDonald’s-ը պատմության մեջ առաջին անգամ փոխել է իր անվանումը: Ընկերության ավստրալիական բաժնի աշխատակիցների խոսքերով` նրանք շատ ուրախ են վերցնել տեղական ռեստորանների անվանումը:
Վերանվանված հաստատություններում կգործի խոշորագույն ակցիա, որի ընթացքում այցելուներին կառաջարկվի նոր Aussie Tastes անվանումով մենյուն: Այն կազմվել է ավստրալիական ավանդական խոհանոցից: Ռեստորաններից 13-ը փոխել են իրենց անվանումը մինչև հունվարի 8-ը` Ավստարալիայի օրերի տոնակատարության քարոզարշավի նախապատրաստական աշխատանքներից առաջ, որը կսկսվի հունվարի 26-ին: Փետրվարին Macca’s-ը կվերադառնա իր ավանդական անվանմանը:
