Ի՞նչն է ամենաշատը բարկացնում ուղևորներին թռիչքի ժամանակ: Այս հարցը վերջին ժամանակներս շատ արդիական է: Թվում է, թե ճանապարհորդների պահանջները վաղուց հայտնի են, բայց, արի ու տես, որ կան նաև անակնկալներ: Lastminute.com կայքը հերթական ուսումնասիրությունն է անցկացրել, որին մասնակցել է 6.600 մարդ: The Telegraph-ը ներկայացնում է ուղևորներին զայրացնող 10 գործոնները թռիչքի ժամանակ:
1. Հարևանները, ովքեր չափազանց մեծ տեղ են զբաղեցնում: Սա դեռևս ամենասուր խնդիրն է և, չնայած նրան, որ ավիաընկերությունները խոստանում են շուտով լուծել այս հարցը, միևնույն է խնդիրը չի դադարում ակտուալ լինել:
2. Բղավող երեխաներ: Այս հարցը ևս որոշակիորեն լուծում է գտնում որոշ ավիաընկերությունների կողմից: Այդ մասին կարդացեք այստեղ:
3. Հարբած ուղևորներ:
4. Բարձրաձայն զրույց: Հարևաններն, ովքեր շատ բարձրաձայն և էմոցիոնալ քննարկում են իրենց հանգիստը, շատ են բարկացնում ուղևորներին:
5. Բարձր երաժշտություն լսող ուղևորները:
6. Ուղևորները, ովքեր «աղմուկով» են ճաշում: Երբ ուղևորը չմփչմփացնելով ուտում է և կեղտոտում շրջակայքը:
7. Խռացնող հարևանները:
8. Վայրէջքից հետո ծափահարությունները նույնպես ոչ բոլորին են դուր գալիս:
9. Շատախոս հարևանները:
10. Սիրաբանող հարևանները:
Իսկ որպեսզի չբարկացնեք հարևան-ուղևորներին, պարզապես անհրաժեշտ է ծանոթանալ ինքնաթիռում վարքագծի պարզ կանոններին: