Իտալական Սարդինիայում անցկացվում է Սալվադոր Դալիի ցուցահանդեսը: Այն անցկացվում է ժամանակակից արվեստի ամենամյա ցուցադրությունների շրջանակներում, որը ամառային սեզոնին կազմակերպում է Forte Village առողջարանային համալիրը: Ցուցահանդեսը պատրաստվել է Mazzoleni Art Gallery-ի և The Dali Universe-ի աջակցությամբ: Ներկայացված են վարպետի քանդակագործական աշխատանքները:
Baldacchino սրահում այցելուների ուշադրությանը ներկայացված են այնպիսի ստեղծագործություններ, ինչպիսիք են` «Տիեզերական փիղը», «Տիեզերական Վեներան» և այլն: Ցուցահանդեսը բաց կլինի մինչև օգոստոսի 30-ը: Forte Village առողջարանային համալիրը, որը գտնվում է Սարդինիայի հարավում, ունի ութ հյուրանոց, երկու վիլլա և մեծ այգի, 21 ռեստորան, սպա կենտրոն, մանկական թենիսի և ֆուտբոլի սպորտային ակադեմիա, ինչպես նաև` բոուլինգ, քարտինգ, դիսկոտեկ, լողավազաններ, լողափ, իսկ կենտրոնական հրապարակում ամեն օր տեղի են ունենում համերգներ:
