Facebook-ի աստղ շպիցը ունի 5 միլիոն երկրպագու, և զարմանալի չէ, որ Virgin America-ն հենց Բուին (Boo) է ընտրել նոր դեսպան: 6-ամյա Բուն` աշխարհի ամենագրավիչ շունը, դարձել է ավիաընկերության աշխատակիցը և հանդիսանում է հասարակայնության հետ կապերի պատասխանատուն. հայտնում է Daily Mail-ը:
Այլ հոդվածներ
Նա արդեն աշխատում է Սան Ֆրանցիսկոյի օդանավակայանում և իր ընկերոջ` Բադդի (Buddy) շան հետ ընդունում և ողջունում է դեռևս միայն ընկերության աշխատակիցներին: Բուն խորհուրդներ կտա կենդանիների հետ ճանապարհորդող զբոսաշրջիկներին և կշարունակի իր աշխատանքը սոցիալական ցանցերում: 2009 թվականից սկսած Բուն ունի իր էջը Facebook-ում և տեսանյութերը` YouTube-ում: Նա արդեն հրատարակել է լուսանկարներով գիրք, և, որպես աշխարհի ամենագեղեցիկ շունը, պատմել է իր պատմությունը:
