Տուրիստական նորությունները շարունակում է իր ճանապարհորդական տերմինների շարքը: Իսկ դա նշանակում է, որ ճիշտ ժամանակն է կրկին ձեռքն առնել մեր ճանապարհորդական նոթատետրերը և սովորել գրագետ ճանապարհորդել: Արդեն ունեցած մեր 10 տերմիններին, որոնք ներկայացվել է «Տերմիններ, որոնք պետք կգան մատչելի ճանապարհորդության համար. մաս 1» և «Տերմիններ, որոնք պետք կգան մատչելի ճանապարհորդության համար. մաս 2» նյութերում, ավելացնում ենք ևս հինգը և չենք մոռանում կիրառել դրանք մեր ամառային ճանապարհորդությունների ընթացքում: Աննշան թվացող այս մանրուքները իրոք կարող են օգնել Ձեզ լիարժեք ճանապարհորդել և հաճույք ստանալ դրանից:
Լոուքոսթեր (անգլ. lowcoster)
Այսպես ընդունված է անվանել այն ավիաընկերությանը, որն իրականացնում է ուղևորների և ապրանքափոխադրում նվազագույն գնով: Ryanair, airBerlin, airBaltic և այլ եվրոպական լոուքոսթերները առաջարկում են շատ մատչելի ավիատոմսեր` լրացուցիչ ծառայությունների ծախսերի կրճատման և ոչ թանկ օդանավակայաններում վայրէջք կատարելու (Օրինակ` քաղաքից հեռու) հաշվին:
Բջջային սարքեր
«Ամբողջ աշխարհը` գրպանում». սա այն զբոսաշրջիկների մասին է, ովքեր ունեն բջջային հեռախոս, որոնք ունեն նորագույն ծրագրեր: Հեռախոսի, սմարթֆոնի կամ պլանշետի օգնությամբ Դուք կարող եք հեշտությամբ իմանալ տարադրամի փոխարժեքը, գտնել մատչելի ռեստորաններն ու սրճարանները անծանոթ քաղաքում և անել ևս մի քանի հազար գործողություն, որոնք նախկինում անհասանելի էին զբոսաշրջիկների համար:
Ուղեբեռի օդամղիչ պոմպ
Նախատեսված է ուղեբեռի փոխադրման ծախսերը նվազեցնելու համար: Թույլ կտա օպտիմալացնել և քաշը, և ուղեբեռի չափերը:
Օնլայն որոնման համակարգ
Տուրիստական լավ որոնման համակարգը թույլ է տալիս համեմատել ավիատոմսերի, հյուրանոցների, մեքենաների վարձակալման գները ամբողջ աշխարհում: Կարելի է ինքնուրույն ուսումնասիրել ավիաընկերության առաջարկները, բայց նմանատիպ ծառայությունները կարող են այդ մեծ հոգսը վերցնել իրենց վրա: Ընդ որում, նրանք դա անում են հաշված րոպեներում կամ վայրկյաններում:
Ճանապարհորդական City Pass
Որքան երկար եք Դուք նախատեսում մնալ քաղաքում, այդքան ձեռնտու է Ձեզ համար գնել հատուկ բաժանորդատոմս քաղաքային City Pass տրանսպորտից օգտվելու համար: Եվրոպական խոշոր քաղաքների մեծ մասում այդ տոմսը տալիս է նաև մի շարք այլ առավելություններ` գլխավոր թանգարանների մուտքի անվճար տոմս, զեղչեր որոշ ռեստորաններում և առևտրի կենտրոններում: