Շփել, կանգնել, համբուրել կամ չոքեչոք գնալ. երջանկանալու համար երբեմն ստիպված ենք լինում անել բավականին տարօրինակ բաներ: Սակայն, ամենակարևորը՝ սրբագործության համար հարմար տեղ գտնելն է: Redigo-ն ներկայացրել է տասը վայր աշխարհում, որտեղ իրականանում են երազանքները:
1. Բլարնի ամրոց, Իռլանդիա
Իռլանդիայի ամենահայտնի ամրոցը երաշխավորում է անգլերենի ուսուցման էքսպրես կուրս: Լեզուն սովորելու համար բավական է համբուրել «Ճարտասանության քարը», որը տեղադրած է Բլարնիի պատերից մեկում: Նախկինում կարծիք կար, որ այս քարը կարող է օժտել հռետորական տաղանդով, բայց այժմ լեգենդը հարմարացվել է ժամանակակից իրողություններին: Այժմ քարի համբույրը երաշխավորում է upper intermediate:
Իհարկե, այդ ամենը հեշտ չի տրվում. քարը գտնվում է մի քանի տասնյակ մետր բարձրության վրա: Պետք է բարձրանալ պատի վրա, այնուհետև՝ պառկել մեջքի վրա, թեքվել և համբուրել սալաքարը:
2. Չիչեն Իտցա, Մեքսիկա
Մայաների հնագույն քաղաքի ավերակները Յուկատանի ամենահայտնի տեսարժան վայրերից մեկն է: Ամեն տարի այստեղ են գալիս հարյուրավոր զբոսաշրջիկներ, որպեսզի տեսնեն լեգենդար մահվան փոսը, որը օգտագործել են զոհաբերությունների համար, մարտիկների տաճարը, բաղնիքների ավերակները և գլխավորը՝Կուկուլկան բուրգը: Կուկուլկանը և Էլ Կաստիլոն համարվում է սուրբ քաղաքի կենտրոնը: Մայաները կարծում էին, որ բուրգի գագաթին ապրում է կախարդական կեցալ թռչունը: Նախկինում դա կարելի էր ինքնուրույն ճշտել. զբոսաշրջիկներին թույլատրում էին բարձրանալ Կուկուլկանի վրա: Սակայն այն բանից հետո, երբ Էլ Կաստիլոյից ընկավ մի 80-ամյա զբոսաշրջուհի, մնում է հավատալ մայաների խոսքին: Սակայն կարելի է կանգնել բուրգի կողքին և ծափահարել: Եթե հանկարծ լսեք տարօրինակ ձայներ, որոնք նման կլինեն կեցալի ծլվլոցի, պետք է արագ երազանք պահել:
3. Մենաստան Մոնսերատ, Իսպանիա
Մենաստանի գլխավոր տաճար, որը հիմնադրվել է դեռևս 1025 թվականին, գալիս են զբոսաշրջիկներ ամբողջ աշխարհից: Նրանք գալիս են, որպեսզի լսեն տղաների հայտնի երգչախմբին, ովքեր ամեն օր կատարում են Մարիամ Աստվածածնի հիմնը, ինչպես նաև՝ խոնարել Մոնսերատ Տիրամոր հայտնի հուշարձանի առջև: Քանդակը պատրաստված է սև բարդուց, ինչի համար էլ տեղաբնակները այն քնքշորեն անվանում են «Թխամաշկ»: Եթե հավատալ լեգենդներին, ապա արձանը քանդակել է հենց Սուրբ Լուկան: .
Արձանը կարող է կատարել ձեր ցանկացած ցանկություն: Դրա համար պետք է հպվել նրան և մտքում ձևակերպել ցանկությունը: Եթե ձեր երազանքը կատարվի, անպայման վերադարձեք մենաստան և շնորհակալություն հայտնեք նրան: Մենաստանում նույնիսկ սենյակ-թանգարան կա՝ լի նյութական «շնորհակալություններով»: Ցուցանմուշների թվում են ձեռնահենակներ, լսողության սարքեր և նույնիսկ հարսանեկան զգեստ:
4. Դալադա Մալիգավա, Շրի Լանկա
Մասունքը, որը պահվում է Դալադա Մալիգավայում, ամենակարևորն է Շրի Լանկայի տարածքում: Չէ որ այս տաճարում է գտնվում Բուդդայի ատամը՝ հոգևոր ուսուցչի միակ նյութական մասը: Լեգենդի համաձայն՝ այն հուղարկավորման խարույկից հանել է Բուդդայի աշակերտներից մեկը, իսկ 311 թվականի մասունքը գաղտնի դուրս է հանվել այդ ժամանակ անհանգիստ Հնդկաստանից արքահադստեր վարսերի մեջ պահված: Ստոմատոլոգիական մասունքը կարելի է տեսնել տարին մեկ անգամ Էլասա Պերահերա փառատոնի ժամանակ: Իսկ մյուս օրերին կարելի է այցելել տաճար, որտեղ ատամը պահվում է հատուկ սենյակում, որն ունի փոքրիկ պատուհան: Այստեղ պետք է խորանում ծաղիկներ դնել, երազանք պահել և ձեռքերը իրար միացնել կրծքի տակ: Այս պարզ արարողությունից հետո ձեր երազանքը կկատարվի:
5. Ուոլ սթրիթի ցուլը. ԱՄՆ
Բրոդվեյի և Սթեյթ սթրիթի խաչմերուկում կարելի է ռեսնել հսկա բրոնզե ցլի: Արձանը այստեղ հայտնվել է 1980-ական թվականների վերջին տնտեսական ճգնաժամի ժամանակ: Այն մարմնավորում է բորսաների կայուն խաղացողներին և հանդիսանում կապիտալիզմի խորհրդանիշը: Ցուլը անմիջապես հայտնի դարձավ: Նրան հաճախ այցելում են ոչ միայն զբոսաշրջիկները, այլև՝ տեղաբնակները: Կարծիք կա, որ այն հաջողություն է բերում ֆինանսական հարցերում, եթե հպվեք նրա կոտոշներին:
Շարունակելի…